TABARBAREWAR ILMIN ZAMANI... INA MAFITA?

Ga wanda yake rayuwa cikin mutane, kuma yake cudanyuwa da yan makaranta, kuma yake zantawa dasu akan yanda karatukansu suke gudana, nasan ba zai jayayya ba idan nace tabbas ilmin zamani da hanyoyin samunsa suna cikin tsaka mai wuya. Musamman a arewacin Nigeria.


Makarantu nawa ne suke gudanuwa ba tare da malamai ba...?

Wata sananniyar makarantar gwabnati kwanaki haka dalibanta yan SS1 suka zo min, lokacin suna gab da barin ajin, suka sanar dani cewa basu da malamin biology tun farkon shigarsu SS1. Suka ce dani da can wani dan bautar kasa ne yake koyar dasu, tunda ya tafi kuwa basu da wani tsayayyen malami. Yaran sune wayanda ake tunanin sune masu son karatu a ajin. Amma idan kaji basic abubuwa na biology da basu sani ba sai abin ya daure maka kai.

Abin mamakin shine su wayannan yaran ba zasu iya gina maka jimloli masu kyau na turanchi ba, ballantana azo maganar biology, physics, chemistry ko uwa uba mathematics. 
Ka gaya min don me zamu ji mamakin idan yaran nan sun kasa cin jarrabawa?

Gwabnati tayi watsi da ilmi, ace yanzu ankai matakin da indai kana son danka ko yarka tayi karatu saidai ka sanyasu a makarantun kudi, ko kuma ka kokarta kayi gwagwarmaya ka samar musu guri a daidaikun makarantun da suke da sauran kima ta fuskar ilmi... Ba don gudun tsawaitawa ba dana fadada wannan gabar...

Wani zaice to ai bawai iyakar yaran talakawa ne suka fadi jarrabawar ba... 
Tabbas, saidai suma yara masu gatan kusan koda yaushe hankalinsu yana kan wayoyin hannu da fina-finai... To waima wa yake maganar yaran da amsa musu waec ko neco ake?

Idan nayi rantsuwa bazan kaffara ba cewar littafin da ake rabawa na jamb din kansa kaso saba'in cikin dari na masu zana jarrabawar jamb basu karanta shi ba. Amma zai wahala sati ya zagaya basu kalli fina finai ba...

Tabbas idan ba'a farga ba ilmi zai durkushewar da tasoshi abune mai mutukar wahala.

kwanaki takardar wasu dalibai tazo hannuna don inyi musu marking, abin haushin shine wasu harda hausa suke gwamutsa bayanin da ake nema. Yayinda wasunsu suke amfani da turanci irin wanda suke yi a chat "nyc, olryt, gud..." da sauransu.

Tun daga tushe an banzatar da ilmin ne, banzatar da ilmi tun daga hanyar da ake bi wajen daukar malaman. Wani hanya ce dashi, wani kuma siyar offer din yayi. Don haka saika iske an jibga bahagon malamai alhalin ga wayanda suka cancanta sunata yawo a gari daga wannan guri zuwa wancan. 

Wani kwanaki haka yake sanar dani cewa shi malami ne, amma malaman da suke koyarwa tare da su duk yayan manya ne, kuma saima sunga dama suke zuwa... Kuma babu damar ayi musu magana domin sunsan manya...

Ta yaya ilmi ba zai gurbace ba?

Tabbas mun kai lokacin daya kamata kodai muyi kokari ta karfin tsiya da dimokradiyya ta bamu muyi kokari mu tura wakilanmu a siyasance don kawo gyara. Ko kuma mu musan yadda zamuyi mu hada kai da kai mu taimaki juna.

Ina mafita?

Naseeb Auwal

Comments

Post a Comment

Popular posts from this blog

HUKUNCIN ZAMAN HADE HANNU DA GWIWA YAYIN DA LIMAN YAKE HUDUBA.

Image
Da sunan Allah mai rahama mai jinkai. Hadisi yazo daga Mu'adh bn Anas, wanda imam Ahmad ya rawaitoshi da kuma Imam Tirmidhi (514) cewa "Annabi ya hana zaman Ihtiba'i (zaman hade gwiwa da hannu kamar yadda yake a hoton sama) yayinda liman yake huduba." Zaman ihtiba'i shi ne mutum ya haɗe ƙaurinsa da cinyarsa a zaune sannan ya kewaye su da hannayensa.  Wannan hadisi Imam Albaniy da wasu daga masu tahƙiƙin musnad sun ingantashi. Imam Nawawiy kuma da Ibnul Arabi sun da'ifanta hadisin tare da wasu malamai. (Tahzeeb Attahzeeb 4/258) Sai dai an samu cewa wasu daga cikin sahabbai sun yi irin wannan zama, yayin da liman yake tsaka da huɗuba, cikinsu akwai Abdullahi Bn Umar da Anas Bn Malik Allah ya ƙara yarda da su. Ibn Qudama cikin littafin Mugniy na sa, ya nuna babu laifi idan anyi wannan zama, harma ya nuna wannan itace fahimtar Ibn Musayyib, Hasanul Basariy, Ibn Sirin, Imam Malik da kuma Shafi'i da sauransu. Allah yayi musu rahama baki ɗaya. Ibn Qud
Read more

EYE OPENER... (SIWES)

Image
Alhamdulillah! I was not just introduced to the Center for Bioresources; I was introduced to a wonderland of science. It is a place where waste is utilized to produce valuable products, where the seemingly impossible becomes possible. This place is teeming with opportunities for those who are ready to embrace them. In this world of science, good researchers and hardworking scientists work diligently to harness the potential of bioresources, finding creative ways to transform waste into valuable materials. Through their efforts, they contribute to sustainable practices, resource conservation, and the development of eco-friendly alternatives. Being introduced into this realm of science is full of responsibilities, dedication of time and energy as well as money (transportation, especially for students like me), curiosity, and a willingness to push the boundaries of what is known. It offers the chance to make meaningful contributions and be part of groundbreaking advancements t
Read more

AUREN DOLE.

Wannan takaitaccen fadakarwa ce akan auren dole, hukuncinsa a addini da kuma shawarwari.... Mun tattara bayanan ne don amfanuwar Malamai, Dalibai, Iyaye, matasa da wasunsu. Aikin da mukai na dai-dai daga Allah ne, wanda mukayi na kuskure kuma dama mu yan Adam ne, muna rokon Allah daya gafarta mana. Ya kuma sanya littafin ya zama mai amfamarwa ne ga daukacin yan'uwa musulmi. Tare da mu Dan uwanku. Naseeb Abu Umar Alkanawiy. Da yar'uwarku. Shifaa khamis Adam. AUREN DOLE 0⃣1⃣ Tabbas soyayya jigo ce mai girma a zamantakewar auratayya. Shiyasa Allah da kansa yake cewa... "Yana daga cikin ayoyinSa ne, ya halitta muku matan aure daga rayukanku, domin ku nutsu zuwa gareta, kuma ya sanya soyayya da rahama a tsakaninku. Lallai a cikin wannan akwai ayoyi ga mutane masu yin tunani." Rum:21 Hakanan Annabin rahama yake fada cewa "Banga abinda yafi dacewa da masoya biyu ba sama da suyi aure". Anan zamu gane cewa soyayya jigo ce a cikin aure kuma da itane aure
Read more