MAFI SOYUWAR MUTANE A WAJEN ALLAH!

*MAFI SOYUWAR MUTANE A WAJEN ALLAH*.

Hadisi daga Ibn Umar (R.A), Masoyi (S.A.W) yana cewa _“Mafi soyuwar mutane a wajen Allah shine wanda yafi amfanar da mutane”_.
*Silsilat-Assahiha* na Albaniy 906

Abu Umar Alkanawy yace 
“Idan har mafi soyuwar halittu a wajen Allah sune mutane, to tabbas mafi soyuwar mutane a wajen Allah sune masu taimakon mutane. Ko ba'a fito fili an gaya maka ba zaka gane idan kayi la'akari da wasu abubuwa kamar haka.

★ Allah yana ninka sakayyar alheri cikin ayyukan da suke na taimakon bayinsa. Misali, wanda yayewa wani bakin ciki Allah zai yaye masa nasa bakin cikin anan duniya da lahira. Wanda yaji qan wayanda suke kasa, wanda yake sama zaiji kansa. Wanda ya ciyar da wani shima Allah zai ciyar dashi tare da shigar dashi Aljanna. Wanda ya bawa wani dama ya rinqa tatsar nonon dabbarsa don yasha (koda akuyace) Allah zai shigar dashi Aljanna. Wanda ya dauke dutse daga kan hanya ko wani abu mai cutarwa, Allah zai shigar dashi Aljanna.

★ Allah ya jingina sababin karbar addu'ar bayinsa ko aikinsu cikin taimakon bayinsa misali. Yin tawassali da wani aikin taimako ga bayi da kayi abin karba ne. Yayin rashin lafiya da ake bukatar sauki, sai Allah ya sanya sadaka tana daga cikin sabubba na samuwar lafiya. Da wasunsu.

★ Allah ya fada idan yaso mutum da alheri zaiyi shela mutane da mala'iku su soshi. Abin sani kuwa mafi soyuwar mutum a wajen mutane shine wanda mutane suke amfana dashi.

★ Saboda Allah yana son masu amfanar da mutane saiya hukunta cewa wanda yayi umarni da kyakkyawan aiki, kamar shima yayi aikin ne. Misali, wanda ya umarci mutane da yin wani kyakkyawan aiki, shima za'a rubuta masa ladan wannan aiki.

Mu lura da kyau, Annabi Muhammad shine mafi soyuwar Annabawa a wajen Allah don haka zaka iske anfi amfanuwa dashi akan sauran Annabawa, hakanan mutanen da suka amfanu dashi sunfi mutanen da suka amfanu da sauran Annabawa yawa. *Babu wani bigire da yake sanya Allah yaso bawansa, face ka iske shuguba jagaba malamin sahabbai (S.A.W) yayi fintinkau a bigiren*

A takaice ba don abin fada ya qare ba zance.... Mafi soyuwar shugaba shine wanda ya amfani talakawansa, mafi soyuwar malami shine wanda ya amfanar da mutane ta hanyar cire son zuciya da dorasu a hanyar data dace, mafi soyuwar malaman makarantun zamani shine wanda ya amfanar da dalibai bai cutar dasu ba, hakanan mafi soyuwar dan social media shine wanda yake amfanar da mutane ta fuskar gyara kuskure, tunatarwa da kuma bada shawarwari a lokacin bukatar hakan.

Alhamdulillah

Naseeb Auwal
Abu Umar Alkanawy
13/8/2020

Comments

Post a Comment

Popular posts from this blog

HUKUNCIN ZAMAN HADE HANNU DA GWIWA YAYIN DA LIMAN YAKE HUDUBA.

Image
Da sunan Allah mai rahama mai jinkai. Hadisi yazo daga Mu'adh bn Anas, wanda imam Ahmad ya rawaitoshi da kuma Imam Tirmidhi (514) cewa "Annabi ya hana zaman Ihtiba'i (zaman hade gwiwa da hannu kamar yadda yake a hoton sama) yayinda liman yake huduba." Zaman ihtiba'i shi ne mutum ya haɗe ƙaurinsa da cinyarsa a zaune sannan ya kewaye su da hannayensa.  Wannan hadisi Imam Albaniy da wasu daga masu tahƙiƙin musnad sun ingantashi. Imam Nawawiy kuma da Ibnul Arabi sun da'ifanta hadisin tare da wasu malamai. (Tahzeeb Attahzeeb 4/258) Sai dai an samu cewa wasu daga cikin sahabbai sun yi irin wannan zama, yayin da liman yake tsaka da huɗuba, cikinsu akwai Abdullahi Bn Umar da Anas Bn Malik Allah ya ƙara yarda da su. Ibn Qudama cikin littafin Mugniy na sa, ya nuna babu laifi idan anyi wannan zama, harma ya nuna wannan itace fahimtar Ibn Musayyib, Hasanul Basariy, Ibn Sirin, Imam Malik da kuma Shafi'i da sauransu. Allah yayi musu rahama baki ɗaya. Ibn Qud
Read more

EYE OPENER... (SIWES)

Image
Alhamdulillah! I was not just introduced to the Center for Bioresources; I was introduced to a wonderland of science. It is a place where waste is utilized to produce valuable products, where the seemingly impossible becomes possible. This place is teeming with opportunities for those who are ready to embrace them. In this world of science, good researchers and hardworking scientists work diligently to harness the potential of bioresources, finding creative ways to transform waste into valuable materials. Through their efforts, they contribute to sustainable practices, resource conservation, and the development of eco-friendly alternatives. Being introduced into this realm of science is full of responsibilities, dedication of time and energy as well as money (transportation, especially for students like me), curiosity, and a willingness to push the boundaries of what is known. It offers the chance to make meaningful contributions and be part of groundbreaking advancements t
Read more

AUREN DOLE.

Wannan takaitaccen fadakarwa ce akan auren dole, hukuncinsa a addini da kuma shawarwari.... Mun tattara bayanan ne don amfanuwar Malamai, Dalibai, Iyaye, matasa da wasunsu. Aikin da mukai na dai-dai daga Allah ne, wanda mukayi na kuskure kuma dama mu yan Adam ne, muna rokon Allah daya gafarta mana. Ya kuma sanya littafin ya zama mai amfamarwa ne ga daukacin yan'uwa musulmi. Tare da mu Dan uwanku. Naseeb Abu Umar Alkanawiy. Da yar'uwarku. Shifaa khamis Adam. AUREN DOLE 0⃣1⃣ Tabbas soyayya jigo ce mai girma a zamantakewar auratayya. Shiyasa Allah da kansa yake cewa... "Yana daga cikin ayoyinSa ne, ya halitta muku matan aure daga rayukanku, domin ku nutsu zuwa gareta, kuma ya sanya soyayya da rahama a tsakaninku. Lallai a cikin wannan akwai ayoyi ga mutane masu yin tunani." Rum:21 Hakanan Annabin rahama yake fada cewa "Banga abinda yafi dacewa da masoya biyu ba sama da suyi aure". Anan zamu gane cewa soyayya jigo ce a cikin aure kuma da itane aure
Read more